د شهید سید حسن نصرالله د شهادت په مناسبت د ایران د اسلامی انقلاب د معظم رهبر حضرت آیت ا... العظمی سید علی خامنه ای دام الظله د تسلیت پیغام

بسم الله الرّحمن الرّحیم

انا لله و انا الیه راجعون

د ایران ګرانو خلکو

ستر اسلامي ملت

په سیمه کې د مقاومت بیرغ پورته کوونکی کبیر مجاهد، دیني فضیلت لرونکی عالم او هوښیار سیاسي مشر سید حسن نصرالله رضوان الله علیه، په لبنان کې د تیرې شپې په پیښو کې د شهادت لوړ مقام ته ورسیده او ملکوت ته پرواز وکړ. د مقاومت ګران سید د الله په لاره کې د لسیزو کلونو فی سبیل الله جهاد ثواب او د هغه ستونزې د مقدسه مبارزه په ترڅ کې ترلاسه کړه. هغه په داسې حال کې شهید شو چې د بیروت ښار د بې کوره خلکو او د هغوی د ویجاړو شویو کورونو او د هغوی څخه د دفاع لپاره د طرحې په جوړولو کې بوخت و، لکه څنګه چې هغه د څو لسیزو راهیسې د فلسطین د مظلومو خلکو، د غصب شویو ښارګوټو او کلیو، ویجاړو شویو کورونو او د هغوی د قتل عامو شویو عزیزانو د دفاع لپاره پلان، طرحه او مبارزه کوله. د شهادت فضل له دومره هلو ځلو وروسته د هغه مسلم حق و.

اسلامي نړۍ ستر شخصیت؛ او د مقاومت جبهې یو مهم او د پام وړ بیرغ وړونکی او د لبنان حزب الله یو نادر رهبر له لاسه ورکړ، خو د هغه د لس کلن تدبیر، پلان او جهاد برکت به هيڅکله له لاسه نه وځې. هغه بنسټ چې هغه په لبنان کې یې تاسیس کړ او د مقاومت نورو مرکزونو ته یې لار هواره کړه، نه یوازې دا چې له لاسه ورنکړل شي، بلکې د هغه د وینو او د دې پېښې د نورو شهیدانو د وینو په برکت به لا ځواکمن شي، د صهيونېسټ رژيم په زبېښل شوي او لوټ شوي بدن باندې به د مقاومت د جبهې حملې لا زياتې وي. دصهیونې رژیم بد فطرت په دغه پیښه کښې هیڅ بریا نه ده ترلاسه کړی.

د مقاومت مشر یو شخص نه وو، هغه یوه لار او مکتب وه او دا لاره به دوام ومومي. د شهید سید عباس موسوي وینه په ځمکه پاتې نه شوه او نه به د شهید سید حسن وینه په ځمکه پاتې شي.

د ګران سید محترم پلار او ګرانې میرمنې ته چې له ده مخکې یې خپل زوی سید هادي هم د خدای په لاره کې له لاسه ورکړ، د هغه ګرانو بچیانو او د دې پیښې د شهیدانو کورنیو ته، د حزب الله هر غړي ته او د لبنان قدرمنو خلکو او لوړپوړو چارواکو ته او د مقاومت ټولې جبهې ته او ټول اسلامي امت ته د ستر نصرالله  شهادت او د هغه د شهیدو ملګرو د شهادت په مناسبت مبارکي او تسلیت وړاندې کوم او په اسلامی ایران کې پنځه ورځ عمومې ماتم اعلانوم. خدای دې دوی د د خپل اولیا سره محشور وګرځوي.

والسلام علی عبادالله الصالحین

سیّدعلی خامنه‌ای       

7 / 7 / 1403